 |
Responsabilidad Social |
|
 |
|
|
|
|
|
.
A Responsabilidade Social Corporativa (RSC), tamén chamada Responsabilidade Social Empresarial (RSE), pode definirse como a contribución activa e voluntaria á mellora social, económica e ambiental por parte das empresas, xeralmente co obxectivo de mellora-la súa situación competitiva e valorativa e o seu valor engadido.
As empresas do noso entorno móvense nun mercado cada vez máis competitivo no que a diferenciación e a fidelización son claves á hora de aumentar ou manter a carteira de clientes. Estes, pola súa parte, fixéronse cada vez máis esixentes, obrigando ás empresas a buscar novas fórmulas e a reflexionar sobre o seu quefacer diario. O consumidor de hoxe en día non é o mesmo que o de fai anos; unha importante diferenza é que se mostra cada vez máis sensible ante as desigualdades sociais e esixe unha maior preocupación social e/ou medioambiental nas operacións que as empresas realizan.
Polo tanto ás pequenas e medianas empresas convenlles especialmente adoptar a visión da RSC para poder diferenciarse do resto pero, ademais, posúen máis facilidades á hora de facelo, dadas as súas peculiaridades. Neste senso, resúltalles máis fácil adaptarse aos cambios dos últimos anos, xa que poden responder de maneira máis flexible e rápida e porque isto permítelles advertir oportunidades de mercado e asegurar a súa vantaxe competitiva.
Como proba inequívoca da nosa vontade de transparencia, dende RECURSOS GALICIA S.L. queremos facilitar unha ampla información sobre o desempeño da entidade, a todas as persoas e grupos que se ven ou poderían verse afectados polo desenrolo da actividade da empresa. Dita información tentamos plasmala neste documento que presentamos e que constitúe unha presentación equilibrada e razoable do desempeño económico, ambiental e social da nosa organización.
Dende RECURSOS GALICIA fomos adaptando, sucesivamente, a estratexia e os criterios de xestión ás novas demandas da sociedade e agora queremos seguir demostrando a súa capacidade de evolución, dando resposta a novas tendencias sociais que propugnan un modelo de empresa, cunha visión de negocio enfocada ao longo prazo, que incorpora na toma de decisións valores como a ética, a transparencia e a diversidade, orientando a súa xestión cara ao desenrolo sostible.
Anímolles, polo tanto, a que realicen unha lectura deste documento, agradecéndolles o envío de todas aquelas suxestións de mellora que consideren convintes.
Xiana Zapata
Directora
O noso compromiso
|
|
|
|
|
|
|
|
|
|
|
|
